Fiskelefse frå Ferske Smakar og Røykelaks frå Svanøy Røykeri vert til ein enkel og smakfull rett som passar i mange ulike settingar. Til dømes som tapas når ein inviterer til fest, som kveldsnacks når ein skal kose seg litt ekstra eller som nistemat på tur.
Smør kremosten på lefsene, skjer røykelaksen i tynne skiver og fordel utover.
Legg litt salat i ei stripe på midten, og rull saman.
Ein kan godt lage dei i god tid før servering. Her er det mange måter å anrette dei på. Du kan enten dele dei i to og servere saman med ein frisk blanda salat, eller du kan skjere dei på skrått i skiver (ca. 2 cm tjukke) og servere dei som fingermat eller kveldssnacks. Du kan også pakke ein og ein rull i folie, perfekt som nistemat på tur!