I 1985 blei Råger og Astrid Engeset frå Stranda på Sunnmøre headhunta frå Canada til å hjelpe til med oppstart og produksjon av oppdrettslaks, ikkje langt i frå Vancouver. “Det gjekk veldig fort. Etter 3-4 år hadde vi etablert oss med både hus, slakteri og røykeri.” seier Råger. Der budde dei i 15 år før dei bestemte seg for å reise tilbake til Noreg, og meir spesifisert til Stranda, for å overta Tore-garden på Engeset i Stranda kommune i år 2000. Garden har dei bygd opp dei siste 20 åra for å få det perfekte produksjonskjøkkenet.
“Vi ville skape vår eigen arbeidsplass og produsere sjølv”
All produksjon skjer på garden
“Vi ville skape vår eigen arbeidsplass og produsere sjølv,” fortel Råger. All produksjon skjer på Tore-garden. Med eigenprodusert røykeri og tørkeloft foredlar dei særeigne produkt på garden som til dømes lammerull, fenalår og ulike sortar mør. Dei kjøper også laks frå lokale produsentar og foredlar dei. “Vi fjernar beina, røyker laksen og `slicer` opp filetane, nesten som pålegg.”
Fantastisk beliggenheit for dyra
Beliggenheita er heilt fenomenal til det dei held på med, med beiteområde for sauene frå garden og heilt bort til startpunkt for Slogenfjellet. I dag er dei reine sauebonder med omtrent 350 sauer i året. Tidlegare har dei hatt skotsk høglandsfe, men desse var krevjande og barka opp beitemarka med horna sine, fortel Råger.
Tre ulike typar sau
Råger uttrykkjer stor kjærleik for yrket som sauebonde. “Dette har vi gjort i heile vårt vaksne liv, kona og eg,” legger han til. I dag har dei tre ulike typar sau: Gamalnorsk spælsau, kvit spælsau og norsk kvit sau. Råger er glad i dyra og seier dei er veldig greie å ha med å gjere! Dei trivst godt med så god beiteplass som dei har.
“Det har vore ein lang prosess, og vi har gjort alt sjølv. Sakte, men sikkert har Slogen Mat blitt til, og vi er stolte og spente no når vi kan selge produkta våra i fleire Coop Nordvest-butikkar!”
Arbeidsplassar i distrikta
Marknadssjef og ansvarleg for lokalmat i Coop Nordvest, Ronny Sørbotten, er godt nøgd med å ha fått Slogen Mat med på laget:
“Dette er i tråd med vår satsing på lokalmat og drikke, og vi har hatt etterspørsel etter produkta til Slogen Mat i våre butikkar. Det å kunne tilby lokal tradisjonsmat tufta på handverk og tradisjonar er noko vi ønskjer å vere med på å få ut i marknaden. For oss er det viktig å støtte lokale produsentar og auka aktivitet, det gjev grobotn for å skape nye arbeidsplassar ute i distrikta. Det er vi særs glade for.“
Nøgde aktørar med koronahelsing etter at avtalen er klar: F.v. Cesilie Nakken i Spesialgrossisten Nordvest, Astrid og Råger Engeset i Slogen Mat AS og Ronny Sørbotten, Coop Nordvest.
Dei gode produkta frå Slogen Mat kan du få på følgande Coop Nordvest-butikkar:
Bakar Jon
Coop Marked Batnfjord
Coop Marked Bud
Coop Marked Bådalen
Coop Marked Fiskå
Coop Marked Leikong
Coop Marked Larsnes
Coop Marked Sandsøy
Coop Marked Tornes
Coop Mega Molde
Coop Mega Ulsteinvik
Coop Prix Bud
Coop Prix Farstad
Coop Prix Frei
Coop Prix Hornindal
Coop Prix Selje
Coop Prix Sjøholt
Extra Bruhagen
Extra Digernes
Extra Eide
Extra Elnesvågen
Extra Furene
Extra Kristiansund
Extra Nordfjordeid
Extra Sandane
Extra Stryn
OBS Moa
